Joriy yilning 24-iyun sanasida Qorovulbozor tumani axborot-kutubxona markazi xodimlari va Ichki ishlar vazirligi Qorovulbozor tumani boʻlinmasi bilan hamkorlikda yengil qonunbuzarlik sodir etgan fuqarolar ishtirokida “Kitob mutolaasi – komillik sari qadam” mavzusida davra suhbati tashkil etildi.
Suhbat davomida kitobxonlikning inson maʼnaviy kamolotidagi oʻrni, mutolaaning tarbiyaviy ahamiyati hamda hayotda toʻgʻri yoʻl tanlashdagi roli haqida soʻz yuritildi.
📚 Ishtirokchilarga oʻzlarini yanada chuqurroq anglashlari, hayotga boʻlgan qarashlarini ijobiy tomonga oʻzgartirishlari va kelgusida toʻgʻri yoʻldan borib, munosib hayot kechirishlariga koʻmak beruvchi badiiy asarlar tavsiya etildi. Shuningdek, mutolaaning inson tafakkuri va maʼnaviyatini yuksaltirishdagi ahamiyati haqida fikr almashildi.
Qorovulbozor tumani axborot-kutubxona markazi.