Бугун сизларга ўзбек адиби Нурали Қобулнинг «Оқ пошшонинг қора туни» асари ҳақида қисқача маълумот бермоқчиман.«Оқ пошшонинг қора туни» — тарихий воқеалар асосида ёзилган бадиий асар. Унда Туркистон халқининг оғир ҳаёти, мустамлакачилик давридаги воқеалар ва халқнинг озодликка бўлган интилиши таъсирчан тарзда тасвирланган.Асарда муаллиф адолат ва ноҳақлик, жасорат, ватанпарварлик, миллий қадриятларга садоқат каби муҳим ғояларни ёритади. Қаҳрамонлар тақдири орқали халқнинг дарди, орзу-интилишлари ва эркинлик учун кураши кўрсатилади.Асарнинг номи ҳам рамзий маънога эга. «Оқ пошшо» ибораси ташқи жиҳатдан қудратли тузумни англатса, «қора тун» эса халқ бошидан кечирган оғир синовлар, зулм ва машаққатли даврларни ифодалайди.Бу китоб нафақат тарихий воқеаларни билишга ёрдам беради, балки Ватан қадрини англаш, эркинликнинг аҳамиятини ҳис қилиш ва тарихдан сабоқ олишга ундайди. Қоровулбозор туман ахборот кутубхона маркази барча китобхонларга Нурали Қобулнинг «Оқ пошшонинг қора туни» асарини ўқишни тавсия этади. Чунки ушбу асар миллий тарихимиз, халқимиз кечирган синовлар ва инсонпарварлик ғояларини чуқур англашга ёрдам беради.